ਤੇਰੇ ਨਾਂ ਦਾ ਬੂਟਾ

ਯਕੀਨ ਨਹੀ ਸੀ ਤੇਰੇ ਮੁੜ ਆਣ ਦਾ,
ਤੇਰੇ ਖ਼ਤਾਂ ਨੂ ਅੱਜ ਮੈ ਜ੍ਲਾ ਦਿਤਾ !!!

ਅਖਾਂ ਦੇ ਕੋਰਾਂ ਚ ਦਿੱਸ ਨਾ ਪੈਣ ਹੰਜੂ,
ਓਥੇ ਇਕ ਟੁੱਟਾ ਸੁਫਨਾ ਸ੍ਜਾ ਦਿੱਤਾ!!!

ਰੱਬ ਨੂ ਭੁੱਲ ਕੇ ਤੇਰੀ ਬੰਦਗੀ ਕੀਤੀ,
ਆਹੀ ਸਭ ਤੋਂ ਵਢਾ ਗੁਨਾਹ ਕਿੱਤਾ !!!

ਸੁਫਨੇ, ਚਾਅ, ਹੌਕੇ, ਹਾਵਾਂ, ਦਰ੍ਦ,
ਵਗਦੇ ਸਮੇ ਚ' ਸਭ ਕੁਛ ਵਗਾ ਦਿਤਾ!!!

ਕਦੀ ਆ ਕੇ ਇਸ ਰੁਖ ਦੀ ਛਾਵੇਂ ਬੈਠ ਵੇਖੀਂ
ਲੈ, ਤੇਰੇ ਨਾਂ ਦਾ ਬੂਟਾ ਅਜ ਲ੍ਗਾ ਦਿਤਾ !!!

ਸ਼ਬਦਾਂ ਤੇ ਇਹਸਾਸਾਂ ਦੀ ਜੰਗ

ਸ਼ਬਦਾਂ ਤੇ ਇਹਸਾਸਾਂ ਦੀ ਜੰਗ
ਚਲਦੀ ਰਹਿੰਦੀ ਹੈ!!!
ਕਦੀ ਇਹਸਾਸਾਂ ਨੂੰ
ਸ਼ਬਦ ਨਹੀ ਮਿਲਦੇ...
ਤੇ ਕਦੀ
ਸ਼ਬਦਾਂ ਨਾਲ ਇਹਸਾਸ
ਕਿਹ ਨੀ ਹੁੰਦੇ !!!
ਮੈ ਕਾਫੀ ਵਾਰ ਇਹਸਾਸਾਂ ਨੂੰ
ਸ਼ਬਦ ਦੇਣ ਦੀ ਕੋਸ਼ਿਸ਼ ਕਰਦੀ ਹਾਂ
ਜਾਂ ਕਾਫੀ ਵਾਰ
ਸ਼ਬਦਾ ਨੂੰ
ਇਹਸਾਸ ਦੇਣ ਦੀ!!
ਪਤਾ ਨਹੀ ਮੈ
ਇਨਸਾਫ ਵੀ ਕਰ ਪਾਉਂਦੀ ਹਾਂ
ਜਾਂ ਨਹੀ !!!
ਮੇਰੇ ਅੰਦਰ
ਸ਼ਬਦਾਂ ਤੇ ਇਹਸਾਸਾਂ ਦੀ ਜੰਗ
ਚਲਦੀ ਰਹਿੰਦੀ ਹੈ!!!
ਲ੍ਗਾਤਾਰ!!!
ਨਿਰੰਤਰ!!!!

ਕੋਰਾ ਕਾਗ਼ਜ਼.....

ਇੱਕ ਕੋਰਾ ਕਾਗਜ਼,

ਤੇ ਇੱਕ ਮੈਂ ….

ਸੋਚਿਆ …ਕੁਝ ਲਿਖਾਂ!!!

ਕੁਝ ਬੀਤੇ ਪਲ…

ਇੱਕ ਗੁਜ਼ਰਿਆ ਕੱਲ੍ਹ ,

ਉਣੀਂਦਰਾਂ ਦੇ ਸੁਫਨੇ

ਜਾਂ ਰਿਸ਼ਤੇ ਸੱਖਣੇ !!!

ਕੁਝ ਮਿੱਠੀਆਂ ਬਾਤਾਂ

ਕਈ ਧੁੰਦਲੀਆਂ ਯਾਦਾਂ ..

ਹੋਰ ਵੀ ਪਤਾ ਨੀ ਕੀ ਕੀ !!!!!!!!

ਤਿਤਲੀਆਂ ਵਾਂਗ ਉੱਡਦੇ ਅੱਖਰ ,

ਰੰਗ ਬਿਰੰਗੇ ਤਾਂ ਸੀ , ਪਰ…..

ਮੇਰੀ ਪਕੜ ਤੋਂ ਪਰ੍ਹੇ !!

ਅੱਖਰਾਂ ਨੂੰ ਵੀ ਸ਼ਾਇਦ

ਪੰਛੀਆਂ ਵਾਂਗ ਕੈਦ ਕਰਨਾ

ਗੁਨਾਹ ਹੀ ਹੈ!!!

ਮੈਂ ਕ਼ਾਫਿਰ ਨਹੀਂ ..

ਜੋ ਗੁਨਾਹ ਕਰਦੀ …

ਇਸ ਪਸ਼ੋ-ਪੇਸ਼ 'ਚ ਬਚੇ …

ਇੱਕ ਕੋਰਾ ਕਾਗ਼ਜ਼

ਤੇ ਇੱਕ ਮੈਂ !!

ਮੇਰਾ ਨਾਮ

ਇਕ ਹੌਕਾ ਦਿੱਤਾ
ਤੇਰੇ ਨਾਮ ਦਾ
ਮੈ ਚੁੱਪ ਵੱਟ ਕੇ ਸੁਣਿਆ
ਕਿ ਸ਼ਾਇਦ ਜਵਾਬ ਆਵੇਗਾ
ਹਰ ਵਾਰ ਵਾਂਗ, ਜਿਵੇਂ ..
ਤੇਰਾ ਨਾਮ ਲੈਣ ਤੋਂ ਬਾਦ
ਮੇਰੇ ਨਾਮ ਨਾਲ ਤੇਰਾ ਜਵਾਬ ਆਓਂਦਾ ਸੀ……..
ਤੇ ਇੰਜ ਲਗਦਾ ਸੀ
ਕੇ ਇਹ ਨਾਮ ਦੋ ਨਹੀ,
ਇਕ ਹੀ ਹੈ!!!
ਬੇਸ਼ਕ, ਅਜ ਤੂੰ ਪਰਦੇਸ 'ਚ ਬੈਠਾ..
ਮੇਰੇ ਹਰ ਹੌਕੇ ਦਾ
ਜਵਾਬ ਨਹੀ ਦੇ ਸਕਦਾ……..
ਅੱਜ ਵੀ ਤੇਰਾ ਜਵਾਬ ਤਾਂ ਨਹੀ ਆਇਆ
ਪਰ….
ਮੈਨੂੰ ਮੇਰਾ ਨਾਮ ਤੇਰੇ ਮੂਹੋਂ
ਸੁਨਣ ਦੀ ਆਦਤ ਐਨੀ ਸੀ,
ਕਿ ਮੇਰੇ ਕੰਨਾ 'ਚ
ਗੂੰਜਦਾ ਰਿਹਾ
ਮੇਰਾ ਹੀ ਨਾਮ !!!

ਅੱਗ

ਅੱਗ ਦੌਲਤ ਦੀ,
ਸ਼ੋਹਰਤ ਦੀ,,
ਨਫਰਤ ਦੀ,,,
ਸਾੜ ਦਿੰਦੀ ਆ ਇਨ੍ਸਾਨ ਨੂੰ
ਐਨਾ ਕੂ ,
ਕਿ , ਉਸ 'ਚ ਹਰ ਰਿਸ਼ਤਾ
ਧੁਖਦਾ ਨਜ਼ਰ ਆਓਂਦਾ ਹੈ….

ਯਕੀਨ!!!

ਯਕੀਨ!!!
ਹੁੰਦੈ ਕਦੀ??? ਹਰ ਕਿਸੇ ਤੇ??
ਸਹਿਜੇ ਜਿਹੇ ਹੀ???

ਇਕ ਜਿੰਦਗੀ ਲਗਾਣੀ ਪੈਂਦੀ ਹੈ
ਕਿਸੇ ਨੂ ਵੀ
“ਯਕੀਨ” ਦੀ ਗੱਦੀ
ਤੇ ਵਿਰਾਜਮਾਨ ਕਰਾਓਣ ਲਈ !!!

ਤੇ ਜਦ ਆਹੀ “ਯਕੀਨ” ਟੁੱਟਦਾ…….
ਪਤਾ ਨੇ ਕਿੰਨੇ ਟੋਟੇ ਹੁੰਦੇ,
ਇਨ੍ਸਾਨ ਦੇ !!!!!!

'ਯਕੀਨ'!!!
ਅਖਰ ਨਿੱਕਾ ਜਿਹਾ ..
ਪਰ ਅਰ੍ਥ.. ਰੱਬ ਵਾਂਗ!!!!!!
ਅਨੰਤ, ਪਾਕ ਤੇ
ਅਡੋਲ!!!

ਬੋਲ

ਦਹਿਕਦੇ ਬੋਲਾਂ ਦੀ ਅੱਗ ਨਾਲੋ,
ਕਿਤੇ ਜਾਨਲੇਵਾ ਹੈ...
ਮਨਾਂ 'ਚ ਰਖਿਆ ਜਹਿਰ !!!