ਦੋ ਨੇ ਮੇਰੇ ਜੀਵਨ ਸਾਥੀ
ਇਕ ਸੋਨਾ ਇਕ ਚਾਂਦੀ
ਸੋਨੇ ਨੂੰ ਮੈ ਦਿਨ ਨੂੰ ਪਾਵਾਂ
ਰਾਤ ਨੂੰ ਪਾਵਾਂ ਚਾਂਦੀ
ਇਕ ਤੁਰਦਾ ਮੇਰੇ ਕਦਮੋ ਕਦਮੀ
ਕਦੀ ਬਣੇ ਪਰਛਾਵਾਂ
ਇਕ ਦੇਵੇ ਮੈਨੂੰ ਚਾਦਰ ਠੰਡੀ
ਜਦ ਜਿਆਦਾ ਸੇਕ ਮਨਾਵਾਂ
ਪੀਲਾ ਰੰਗ ਜਦ ਖੁਰਦਾ ਖੁਰਦਾ
ਆਪਣੀ ਹੋਂਦ ਗਵਾਵੇ
ਮੇਰੇ ਨਾਲ ਰੰਗ ਚਾਂਦੀ ਵਾਲਾ
ਆ ਕੇ ਬਾਤਾਂ ਪਾਵੇ
ਦੋਨੋ ਰਖਦੇ ਸਦਾ ਸਫਰ 'ਚ
ਇਕ ਦਿਨੇ ਇਕ ਰਾਤੀਂ
ਇਕ ਦਿਨ ਨੂੰ ਮੇਰੇ ਨਾਲ ਸੁਲਗਦਾ
ਤ੍ਰੇਲ ਬਣੇ ਇਕ ਰਾਤੀਂ
ਏ ਦੋਨੋ ਵੀ ਕਈ ਕਈ ਵਾਰੀ
ਰੂਪ ਬਦਲ ਲੈਂਦੇ ਨੇ ਆਪਣਾ
ਵਾਂਗ ਰੁੱਤ ਦੇ ਬਦਲ ਨੇ ਜਾਂਦੇ
ਸੁਭਾ ਹੈ ਆਪੋ ਆਪਣਾ ...
No comments:
Post a Comment